Tuesday 26 April 2011

Mujhe prem karne ki chah.....


Wo mujhe prem karna chahta tha jis tarah kisi ne nahi chaha ,mere pita meri maa or meri charon taraf ke tamam log jis tarah mujhe na chah sake.usne chaha tha mujhe us tarah se chahna .Chan sitaron ki roshni me mere chehre ko bahot kareeb se dekhna.

Mujhe chahne ki ichha thi usme ,khud me jazb kar lene ki gehri kamna bhi........par in sabse upar thi mere hontho  ki hansi sada phoolon me dube dekhne ki kwahish,sabse pare tha ,bahe ja rahe samay me ittefakan mile mere sath ko bade hi pyar se sanjo k rakhne ka yatn......Der tak mere hanthon ko apne hanthon me sahej ke rakhne ki bholi ichha...

Wo chahta tha ,mera bachpan mere sath dubara jeena , mere atit ki galiyon ,mohallon,shehron me jana , jis nadi ke kinare main tehri hun kuch pal ko hi sahi, apni hatheliyon me wahan se us nadi ko utha lana,jo phool sabse priye rahe mujhe unki pankhuriyon ko hath me lekar der tak sehlana ,jo geet maine gaye kabhi unka ek ek shabd puri dharti par gunja dena..

Bahot bholi thi uski ichhayen ,un ichhayon me main sirf nari nahi rahi...na hi koi priye vyakti .....to phir sirf priya kaise hoti...
usne is tarah dharan kiya mujhko khud me , jaise darakht sharad ki hawao,van ke rehasyon or ritu ke phoolon ko karta hai......main sirf swapn nahi thi uske liye, na hi sundar vastuon ki upma...usne socha tha ki uske jeewan ka bahot gehra arth hai mujhme...............

PAR KYA USKA JEEWAN THA MUJHME......!

Yahin se wo prashn shuru hua jiske phande me aa ke har shabd ulajh kar reh gaya hai...meri bholi ichhaon par use chahne or khud ko chah pane k yogya banane ki koshish par gehri choten pad rahi hai........kya wo kabhi janega ki apne dil ki aanch me uske liye kya mehsus kiya tha maine?
kya yakeen karega ki uske liye kitni anmol sougate thi mere paas .....kuch bahot akeli raaten thi or dil bheetar se uthi ek sachhi TADAP

Ye sab uske liye ,or aaj ye sab bilakh utha hai,ye jungle ye parvat ,lehren ,ye phool, nadi ,shaam ,khandhar.
wo hota to inhe ek arth milta Inke ekant yun bhi hota ...........jaise aakash gangaon me taro ki hansi gunjati hai..........

Inhe sirf pyar nahi ek sambandh chahiye tha,
ek sambodhan chahiye tha
ek sparsh chahiye tha , ek hansi chahiye thi

Afsos ! Aisa kuch nahi hua or in sab me gehre utarte gaye gaye hain Dukh k mousam or Udasi ke bol....
mere isi nagar me main in sab ke sath thake kadmo se guzarti hun...Bahot door un raston ,un imaraton se or un darakhton se....jo usse AASHNA the.....par DARD hai ki badhta hi jata hai.....
ki.........

KABHI KABHI LAGTA HAI KOI RANJ-O-GUM NHI
FAKAT UDASIYAN HAI SHAM KI.............................................!

4 comments:

  1. This comment has been removed by a blog administrator.

    ReplyDelete
  2. gud piece of emotion as well writing....nw it seems like i,m listening to simran...keep it up...:)

    ReplyDelete
  3. This comment has been removed by a blog administrator.

    ReplyDelete
  4. This comment has been removed by a blog administrator.

    ReplyDelete